انصارپرس: د امریکا ولسمشر، ډونالډ ټرمپ خبرداری ورکړی چې د کیوبا حکومت د اقتصادي ناورین له امله د نسکورېدو له جدي ګواښ سره مخ دی.
د رویټرز د راپور له مخې چې د کیوبا اقتصاد تر ډېره د وینزویلا په تېل او مالي مرستې ولاړ وو، خو د هغه هېواد د ولسمشر، نیکولاس مادورو له نیولکېدو وروسته د کیوبا اقتصادي وضعیت مخ پر ځوړ روان دی.
په راپور کې د ټرمپ له قوله خبرداری ورکړل شوی چې د کیوبا حکومت به ډېر ژر نسکور شي.
بلخوا ځینو رسنیو راپورونه ورکړي چې دا مهال د ټرمپ په مشرۍ د امریکا اوسنی حکومت په کیوبا کې د نظام پر بدلون غور کوي او ډېر ژر به د دغه هېواد حکمت نسکور کړي.
خو په ورته مهال بیا د کیوبا حکومت چارواکو ټینګار کړی چې دوی به د خپل هېواد له ملي حاکمیت څخه دفاع ته دوام ورکړي.
څه موده مخکې امریکا پر وینزویلا برید وکړ او د دغه هېواد ولسمشر، نیکولاس مادورو یې له ځان سره یوړو.
د یادولو ده چې وینزویلا تر ډېره له کیوبا سره د تېلو او مالي مرستې کولې او اوسمهال دغه مرستې ځنډول شوې دي.
