انصارپرس: (د لیندی20مه)، په ملګرو ملتونو کې د هند دایمي استازي «پرواتنني هریش» د امنیت شورا په پرونۍ غونډه کې پر افغان خاوره د پاکستاني پوځ بریدونه غندلي دي.

ښاغلي هریش ویلي چې چې د ملکي خلکو د ژوند خوندیتوب لپاره باید د ملګرو ملتونو منشور او نړیوالو قوانینو ته درناوی وشي.

نوموړي همداراز د پاکستان له لوري د سوداګریزو لارو تړل‌کېدو ته په غبرګون کې ویلي چې د دې لارو د تړل‌کېدو له امله په لومړیو ورځو کې افغان سوداګر سخت تاواني شوي او سوداګري باید په توګه ونه کارول شي.

هند تر دې مخکې هم څو ځلې پر افغان خاوره د پاکستاني حکومت بریدونه غندلي وو او دا یې له نړیوالو قوانینو ښکاره سرغړونه بللې وه.

څو ورځې مخکې د یاد هېواد د بهرنیو چارو وزارت ویاند په یوه خبري غونډه کې په سپین‌بولدک کې د عامې افغانانو پر کورونو د پاکستاني عسکرو هاوان بریدونه په کلکه غندلي وو.

د ویلو ده چې له تېرې څه مودې راهیسې د افغانستان او هند اړیکې په بېلابېلو برخو کې پراخې شوې او وخت ناوخت د دواړو هېوادونو لوړپوړو چارواکو رسمي سفرونه هم کړي دي.