انصار: ( د تلې 10مه)، د افغان سولې لپاره د امریکا پخوانی استازی، زلمی خلیلزاد وایي چې د طالبانو د اوبو او انرژۍ وزارت د سلاکار، فاروق اعظم د بېرته خوشېکېدو راپور یې ترلاسه کړی دی.
خلیزاد په اېکسپاڼه لیکلي چې فاروق اعظم «د وطندوست» شخصیت دی او که د خوشېکېدو راپورونه یې سم وي، دا به ډېر د خوښۍ ځای وي.
تر دې مخکې د طالبانو حکومت ځینو سرچینو رسنیو ته تایید کړې وه چې د اوبو او انرژۍ وزارت سلاکار، فاروق د نامعلومو دلایلو له امله د طالبانو نظامي محکمې ته معرفي شوی و.
طالب حکومت تر اوسه په دې اړه رسمي څه نه دي ویلي.
بلخوا د افغان سولې لپاره د امریکا پخواني استازي، زلمي خلیلزاد تر دې مخکې په هېواد کې د انټرنټ پر بېرته فعالېدو هم خوښي ښودلې وه او هرکلی یې کړی و.
د ویلو ده چې په هېواد کې دوې ورځې هر ډول انټرنټ او مخابراتي شبکې پرې شوې وې او افغانستان په بشپړ ډول افلاین شوی و، چې خلکو ته یې درانه زیانونه واړول او د هېوادوالو د سختۍ اندېښنې لامل شوی و.
