انصار: ( د زمري ۱۸مه)، د اوکراين د جګړې پای ته رسولو په موخه، د امريکا او روسيې ولسمشران د اګست پر ۱۵ الاسکا کې سره ويني.

د اجنډا ځينې جزئیات له وړاندې روسيې ته د ټرمپ د ځانګړي استازي د سفر پر مهال نښه شويدي.

رويټرز خبري اژانس ليکلي، چې ټرمپ، زيلنسکي او پوتين د اوربند يوې هوکړې ته نېږدي شوي دي او اټکل کېږي، چې د دې تړون په لاسليک سره به د اوکراین جګړه پای ته ورسېږي، خو دا چې زيلنسکي به څومره له دې هوکړې راضي وي لا يې په اړه څه ندي ويل شوي.

زيلنسکي تر دې وړاندې امريکا او روسيه د اوکراين پر سر په يوې پټې معاملې تورن کړي وو.