google.com, pub-6867310892380113, DIRECT, f08c47fec0942fa0 ** ** **
|
د ایران او اسراییل ترمنځ اوربند وشو
انصار:( د چنګاښ ۳مه)، د امریکا ولسمشر اعلان وکړ چې د اسراییل او ایران ترمنځ بشپړ اوربند شوی دی. د امریکا ولسمشر ډونالډ ټرمپ د قطر له امیر څخه مننه وکړه چې په سیمه کې یې د سولې لپاره هڅې کړي دي. د امریکا د متحد ایالتونو ولسمشر په خپله ټولنیزه شبکه سوشل تروت کې ولیکل چې د ایران او اسراییل ترمنځ اوربند شوی او په ۲۴ ساعتونو کې به په پړاونو کې پلی شي، چې له دې سره به ۱۲ ورځنۍ جګړه پای ته ورسي. رویټرز د یو باخبره چارواکي په حواله راپور ورکړی چې په قطر کې د امریکا په هوايي اډه د ایران له هوايي بریدونو وروسته، د قطر لومړي وزیر شیخ محمد بن عبدالرحمن ال ثاني د ټیلیفوني خبرو اترو له لارې د امریکا د اوربند وړاندیز ته د تهران موافقه ترلاسه کړه. دغه چارواکي چې د نوم له ښودلو یې ډډه وکړه، زیاته کړه چې دا ټیلیفوني اړیکه وروسته له هغه وشوه چې ډونالډ ټرمپ د قطر امیر ته خبر ورکړ چې اسراییل له اوربند سره موافقه کړې او له هغه څخه یې د تهران د راضي کولو لپاره د مرستې غوښتنه کړې. رویټرز خبري اژانس د لوړ پوړي ایراني چارواکي په حواله چې د نوم له ښودلو یې ډډه وکړه، راپور ورکړ چې تهران له اسراییل سره د اوربند لپاره د امریکا وړاندیز مني، چې د قطر په منځګړیتوب شوی دی. د امریکا ولسمشر په یوه بل پوسټ کې د قطر له امیر څخه د سیمې د سولې لپاره د هغه د ټولو کارونو لپاره مننه وکړه او په یوه ورپسې پوسټ کې یې ولیکل: نړۍ ته مبارکي، دا د سولې وخت دی. وروسته له هغه چې ایران د جون په ۲۳مه په قطر کې د العدید په هوايي اډه توغندي وویشتل، ټرمپ وویل چې په بریدونو کې هیڅ امریکایی ته زیان نه دی رسیدلی. د امریکا دفاع وزارت تایید کړه چې ایران په برید کې څو لنډ او منځني واټن بالستیک توغندي وویشتل او ویې ویل چې د تلفاتو هیڅ راپور نه شته. د ایران یا اسراییل له خوا په دې اړه کوم رسمي بیان نه دی ورکړل شوی، او دا روښانه نه ده چې ایا ایران د یورانیمو د غني کولو د پای ته رسولو لپاره د امریکا له خوا له ټاکل شويو شرایطو سره موافقه کړې ده که نه ده. پر ایران د اسراییل بریدونه د جون په ۱۳مه پیل شول، او ایران یې په غچ اخیستونکو بریدونو سره ځواب ورکړ. ایران د یکشنبې په ورځ (د جون په ۲۲مه) د ایران پر اټومي تاسیساتو د امریکا له هوايي بریدونو وروسته په قطر کې د العدید په امریکایي هوايي اډه توغندي وویشتل. د امریکا ولسمشر ټرمپ له ایران مننه کړې او ویلي یې دي چې تهران په قطر کې د برید په اړه وار له مخه حال ورکړی و نو ځکه یې پر قطر توغول شویو توغندیو هېڅ زیان نه دی اړولی.
د لوستونکو نظرونه
تاسو لومړی کس یاست چې په پورته مقاله تبصره کوئ. تبصرې د تایید وروسته ښودل کیږي. |
د نړۍ د خبرونو پوښښ او د ورځې تحلیل سره، لوستونکو ته خدمت کوي. انصارپریس د هیڅ دولتي ارګان سره تړاو نلري. آزاد، خپلواک او بې طرفه او د موادو چمتو کولو لپاره. |
زموږ په اړه
موږ سره اړیکه ونیسئ
زموږ سره اعلان وکړئ |





