انصار: (د کب ۲۹ مه)، په ټوله اروپا کې، په ملي حکومتونو او پارلمانونو کې د ښځو ونډه مخ پر زیاتېدو ده.

د یورو سټاټ (Eurostat) د وروستیو معلوماتو له مخې، په د ۲۰۲۴ کال کې په ملي حکومتونو کې ښځو شاوخوا ۳۵٪ څوکۍ لرلې، چې دا د تېرو لسو کلونو په پرتله ۷.۴٪ زیاتوالی ښیي.

فنلنډ او لیختنشتاین د ۶۰٪ ښځینه استازو په لرلو سره د لیست په سر کې دي، ورپسې بلجیم او بریتانیا دي چې په پارلمانونو کې یې د ښځو ونډه ۵۱٪ ده.

په مقابل کې، هنګري د ښځو لپاره تر ټولو ټیټ استازیتوب لري، ځکه چې په حکومت کې هېڅ ښځې نشته. سره له دې، په ۲۰۲۲ کال کې، دغه هېواد خپله لومړۍ ښځینه ولسمشره کاتالین نوواک وټاکله، خو هغې په ۲۰۲۴ کې استعفا وکړه.

په اروپایي ملي پارلمانونو کې هم د ښځو استازیتوب وده کړې.

په اروپایي اتحادیه (EU) کې له درېیمې برخې ډېر پارلماني غړي ښځې دي، چې دا د لسو کلونو وړاندې په پرتله ۵.۶٪ زیاتوالی ښیي.

په تېره لسیزه کې تر ټولو زیات پرمختګ مالټا کړی، چې ۱۵٪ زیاتوالی لري، ورپسې د لتوانیا په پارلمان کې ۱۳٪ او د فرانسې په پارلمان کې د ښځو ونډه ۱۰٪ زیاته شوې ده.

اوس مهال، د آیسلنډ پارلمان د ښځینه غړیو سلنه تر ټولو لوړه ده، چې ۴۹٪ څوکۍ یې ښځو ته ځانګړې شوې دي.

ورپسې سویډن (۴۵.۶٪)، فنلنډ (۴۵.۵٪)، او ډنمارک (۴۴.۷٪) دي.

په بل اړخ کې، قبرص (۱۴.۳٪)، هنګري (۱۴.۶٪)، او رومانیا (۱۹.۵٪) د ښځو لپاره تر ټولو ټیټ استازیتوب لري.