google.com, pub-6867310892380113, DIRECT, f08c47fec0942fa0 ** ** **
|
پر «پالمیرا ښار» د اسراییلو د هوايي برید په پایله کې 61 ووژل شول
عربي رسنیو خبر ورکړی چې د سوریې پر تاریخي ښار «پالمیرا» د اسراییلو د هوايي برید له امله د وژل شویو شمېر ۶۱ تنو ته لوړ شوی او لسګونه نور ټپیان شوي دي. الحدث رسنۍ پرون د سوریې د بشري حقونو د څار ډلې په حواله تایید کړې چې پر پالمیرا د اسراییلو په برید کې شاوخوا ۱۱۰ تنه وژل شوي او ټپیان دي. د دغه راپور له مخې، د اسراییلو په دغه خونړي برید د سوریې په پالمیرا کې د استوګنې درې ځایونه په نښه شوي او لږ تر لږه ۶۱ کسان وژل شوي دي. د سوریې د بشري حقونو د څار ډلې په دغه برید کې د حزب الله د ۴ غړو او ۲۲ غیرسوري اتباعو وژل کېدل تایید کړي دي. د پالمیرا پر لرغوني ښار د اسراییلو وژونکی برید له پراخو نړیوالو غبرګونونو سره مخ شوی دی. دا لرغونی ښار د یونیسکو د نړیوال میراث په توګه ثبت شوی او د سوریې یو له مشهورو سیاحتي ځایونو څخه ګڼل کیږي چې د اسراییلو په برید کې سخت ویجاړ شوی دی. د ویلو ده چې اسراییلي ځواکونو د روان کال له پیل راهیسې په سوریه کې ۱۵۲ بریدونه کړي دي.
د لوستونکو نظرونه
تاسو لومړی کس یاست چې په پورته مقاله تبصره کوئ. تبصرې د تایید وروسته ښودل کیږي. |
د نړۍ د خبرونو پوښښ او د ورځې تحلیل سره، لوستونکو ته خدمت کوي. انصارپریس د هیڅ دولتي ارګان سره تړاو نلري. آزاد، خپلواک او بې طرفه او د موادو چمتو کولو لپاره. |
زموږ په اړه
موږ سره اړیکه ونیسئ
زموږ سره اعلان وکړئ |





