انصار: ( د تله ۱۵مه)، پاکستاني رسنۍ وایي د دې هېواد په تر ټولو نا امنه صوبه بلوچستان کې پر امنیتي ځواکونو ماین چاودلی، چې له امله یې ۳ پاکستاني عسکر وژل شوي دي.
برید د بلوچستان په قلات سیمه کې رامنځته شوې، چې د مړو ترڅنګ ۴ تنه ټپيان هم دي.
د پاکستان آج ټي وي د قلات د یو لوړ پوړي چارواکي له قوله ویلي، چې چاودنه پرون د شنبه په ورځ د قلات ښار سره نزدې په اسکلکو سرک باندی د امنیتي ځواکونو په یوه موټر شوې ده.
د پولیسو په ویناده په یاده سیمه کې مخالفو وسله والود سړک پر غاړه چاودیدونکي مواد ځای پر ځای کړي وو، چې د امنیتي ځواکونو رسېدو سره سم یې پرې چاودنه کړې ده.
د یادونې ده، چې تېره ورځ د خېبر پښتونخوا په سرحدي سیمه کرمه کې هم وسله والو د پاکستان پر امنيتي ځواکونو برید کړی، چې له امله یې ۷ عسکر وژل شوي ۲ نور ټپيان شوي دي.
