google.com, pub-6867310892380113, DIRECT, f08c47fec0942fa0 ** ** **
|
خوست کې د طالبانو او پاکستاني ځواکونو تر منځ نښته شوې
انصار: ( دوږی۳۱مه)، خوست کې یوځل بیا د طالبانو او پاکستاني پوځيانو ترمنځ نښته شوې. د جګړې د سیمې یوه اوسېدونکي تاند وېب سایټ ته د نوم نه خپرولو په شرط وویل، چې په غلام خان بندر کې دا جګړه تېره شپه تر ناوخته پورې روانه وه. سرچینې ویلي، چې اوس هم د دواړه لورو ترمنځ خال خال ډزې کېږي. د جګړې له نیږې سیمو خلک هم کډوال شوي او خپلو سرونه یې خوندي کړي دي. په ورته مهال بیا د غلام خان بندر کمیسار بلال جان وردګ پرون د جګړې له پیلېدو وروسته ازادي راډیو ته ویلي، چې د ډیورنډ کرښې له بلې خوا د هاوان د مرمیو د لګېدو له کبله یو طالب وژل شوی دی. نوموړي ادعا کړې،چې په جګړه کې درې پاکستاني سرتېري هم وژل شوي دي، خو پاکستاني لوري تراوسه د جګړې او مرګ ژوبلې په اړه څه نه دي ویلي. دا لومړی ځل نه دی چې طالبان او پاکستاني پوځیانو ترمنځ نښتې کېږي، افغانستان کې د طالبانو له واکمنېدو وروسته دا څوم ځل دی چې دواړه لوري خپلو کې سره نښتې کوي. په دې وروستیو کې د دواړو هېوادونو ترمنځ روان حالت هم ترینګلی ښکاري.
د لوستونکو نظرونه
تاسو لومړی کس یاست چې په پورته مقاله تبصره کوئ. تبصرې د تایید وروسته ښودل کیږي. |
د نړۍ د خبرونو پوښښ او د ورځې تحلیل سره، لوستونکو ته خدمت کوي. انصارپریس د هیڅ دولتي ارګان سره تړاو نلري. آزاد، خپلواک او بې طرفه او د موادو چمتو کولو لپاره. |
زموږ په اړه
موږ سره اړیکه ونیسئ
زموږ سره اعلان وکړئ |





