د امریکا د بهرنیو چارو وزیر له خپله اسرائیلي سیال سره په خبرو کې په غزه کې د ملکي خلکو د خوندیتوب غوښتنه کړې ده

انتوني بلنکین د پنجشنبې په ورځ په خپلو ټیلفوني خبرو کې ران دیرمر ویلي، چې اسرائیل باید غزې ته د بشري مرستو د اجازې ورکولو او د فلسطین په قلمرو کې د ولسي مرګ ژوبلې مخنیوي لپاره کار وکړي.

بلنکین د اسرائیلو د هغې پرېکړې هرکلی هم کړی، چې له مخې یې اسرائیلو غزې ته د تیلو د انتقال اجازه ورکړې.

دا په داسې حال کې ده چې اوس مهال دغزې په جنوب کې لسګونه زره فلسطینان له جګړې څخه په تېښته دي.

باید یاده شي چې وړمه ورځ د ملګرو ملتونو عمومي منشي انتوني ګوترېش هم په غزه کې د بشري ناورین د مخنیوي لپاره د ملګرو ملتونو امنیت شورا ته لیک لیکلی و، چې اسرائیلو یې په ځواب کې د ده د ګوښه کېدو غوښتنه کړې وه.