انصار (دسنبلی ۳۱مه )، پخواني جمهور رییس حامد کرزی او ډاکټر عبدالله عبدالله په افغانستان کې د ملګرو ملتونو د سرمنشي د ځانګړي استازي له سیاسي مرستیال مارکس پوتزل سره کتلي دي

د حامد کرزي پر اېکس پاڼه لیکل شوي چې په دې لیدنه کې د نجونو پر مخ د ښوونځیو پرانېستو او د زده کړو په برخه کې د اسانتیاوو پر برابرېدو ټینګار شوی دی.

دوی همدا راز له افغانستان سره د ملګرو ملتونو د مرستو د دوام غوښتنه هم کړې ده.

دا په داسې حال کې ده چې په کور دننه له څه باندې دوه کالو راهیسې له شپږم ټولګي پورته د نجونو پرمخ ښوونځي تړل شوي دي.