بېګاه (دوشنبه د زمري په ۱۲ مه) شاوخوا اته بجې، د کابل لسمې حوزې اړوند د شېرپور په سیمه کې د ملي دفاع وزارت د سرپرست پر کور وسله وال او ځانمرګي برید کې لږ تر لږ ۴ کسان وژل شوي او ۲۰ نور ټپیان دي.

سرچینو ویلي، چې د بریدګرو شمېر ۷ تنه وو او ټول وژل شوي دي.

د پېښې په ځای کې د ځینو نورو حکومتي چارواکو او سیاستوالو کورونه هم دي.

د نن سهار تصویرونو کې لیدل کېږي، چې د برید سیمه کې کورونه سخت ویجاړ شوي دي.

بېګاه تر پېښې وروسته په یوه پیغام کې د ملي دفاع وزارت سرپرست بسم الله محمدي ویلي، چې برید کې ده او کورنۍ ته یې زیان نه دی رسېدلی.

ښاغلي محمدي ویلي: »ترهګرو زما پر کور ځانمرګی برید وکړ، خو ما او کورنۍ ته مې زیان نه دی رسېدلی. خو له بده مرغه څو تنه ساتونکي مې ټپیان شوي دي. «

د پېښې مسوولیت لا تر چا نه دی منلی.