google.com, pub-6867310892380113, DIRECT, f08c47fec0942fa0 ** ** **
|
د امریکا او ترکیې د بهرنیو چارو وزیرانو د افغانستان په اړه خبرې کړې
د امریکا د بهرنیو چارو وزیر انتوني بلېنکن د ترکیې د بهرنیو چارو وزیر مولود چاووش اوغلو سره د افغانستان او سوریې په اړه خبرې کړې دي. د امریکا د بهرنیو چارو وزارت خپره شوې خبرپاڼه وايي، دغه تلېفوني خبرو کې بلېنکن او اوغلو پر دوه اړخیزه همکاریو، افغانستان او سوریه کې پر ګډو ګټو خبرې وکړې. د افغانستان په اړه د بلېنکن او اووغلو د خبرو جزیات نور نه دي په ډاګه شوي، خو ښايي د افغان سولې او په ترکیه کې د سولې په تړاو جوړېدونکې غونډې په اړه هم سره غږېدلي وي. د امریکا د بهرنیو چارو وزارت په خبرپاڼه کې دا هم ویل شوي، چې په دې تلېفوني مکالمه کې د ناټو له متحدینو، ترکیې او یونان څخه د امریکا د ملاتړ پر دوام هم خبرې وشوې. د یادونې ده، چې د امریکا د بهرنیو چارو وزیر انتوني بلېنکن څو ورځې وړاندې د روسيې له بهرنیو چارو وزیر سرګي لاوروف سره هم پر افغان سوله او د افغانستان پر وضعیت خبرې کړې وې. که څه هم د دغه خبرو جزیات هم په ډاګه نه شول خو د روسېې د بهرنیو چارو وزیر دومره ویلي و، چې دوی د یوه خپلواک، یوموټي او سوله ییز افغانستان ملاتړ کوي او د سولې په برخه کې همکاري کوي.
د لوستونکو نظرونه
تاسو لومړی کس یاست چې په پورته مقاله تبصره کوئ. تبصرې د تایید وروسته ښودل کیږي. |
د نړۍ د خبرونو پوښښ او د ورځې تحلیل سره، لوستونکو ته خدمت کوي. انصارپریس د هیڅ دولتي ارګان سره تړاو نلري. آزاد، خپلواک او بې طرفه او د موادو چمتو کولو لپاره. |
زموږ په اړه
موږ سره اړیکه ونیسئ
زموږ سره اعلان وکړئ |





