انصار: ( دچنګاښ۲۸مه)، د افغانستان کرکټ بورډ خبر ورکړی چې د شپږیزه لیګ د لسم پړاو لوبې به نن (شنبې د چنګاښ ۲۸مه) پیل شي.
د کرکټ بورډ د خبر له مخې چې د یاد لیګ لسم پړاو به د دفاعي اتلې لوبډلې، امو نهنګان او بست ساتونکو ترمنځ په لوبې سره پيل شي.
د افغانستان کرکټ بورډ ویلي د دې پړاو لومړۍ لوبه به د تېر پړاو دفاعي اتلې لوبډلې، امو نهنګان او د بست ساتونکو ترمنځ ترسره شي.
سرچینې لیکلي چې دویمه ورپسې لوبه به د مس عینک اتلان او سپینغر زمریانو ترمنځ وشي.
د ویلو ده چې سږ کال د شپږيزه لیګ ټولې سیالۍ د کابل په کرکټ لوبغالي کې پلان شوې دي.
شپږیزه کرکټ لیګ سیالۍ په هېواد کې دننه او بهر ډېر مینهوال لري او هر کال ترسره کېږي. دا سیالۍ د ډېرو ملي لوبغاړو په شتون کې ترسره کېږي.
دا په داسې حال کې ده چې روان کال د هېواد په بېلابېلو ولایتونو کې د کرکټ ډېرې نورې سیالۍ او تورنمنتونه هم جوړ شوي وو چې د هېوادوالو پام یې ځانته اړولی و.
