د هند سینما ’بالیووډ’ یوه ډېر پېژندل شوي ستوري ’شاهرخ خان’ د افغانستان کرېکټ ملي لوبډلې د پیل تکړه توپ وهونکي رحمان الله ګوربز ته د اېکس یا پخواني ټویټر یوه پیغام کې لیکلي، چې د نړیوال جام لوبو کې یې پر لیدلو خوښ دی.  تر دې ورمخکې رحمان ګوربز د ټویټر په پیغام کې شاهرخ خان ته د زوکړې ورځ مبارکي ویلې وه او هغه یې د خپلې خوښې فلمي ’ستوری’ بللی و.

د یادونې ده چې ګوربز د هند کرېکټ غوره لیګ ’ای پي اېل’ په تېر پړاو کې د شاهرخ خان کلکته نایټ رایډرز لوبډلې ته لوبېده.

د تېر کال ای پي اېل پر مهال هم له یوې ګټلې لوبې وروسته رحمان الله ګوربز سره د شاهرخ خان لیدو د ډېرو پام وراړولی او لوبغالي کې د دواړو اخیستل شوي عکسونه په خواله رسنیو ډېر لاس په لاس شوي وو.