انصار: ( د وری 3مه)، د نوي ښونیز کال په راتګ سره هیلې دا وې چې له شپږم ټولګي څخه پورته د نجونو پرمخ د ښوونځيو دروازې پرانیستل شي، خو تېره ورځ بیا هم د پوهنې وزارت له خوا په دې اړه کوم نوی زیری ورنه کړل شو.
د چهارشنبې په ورځ پوهنې وزارت د ښوونځيو پیل زنګ وواهه او د هلکانو زده کړې پیل شوې، خو د زده کړو پیلېدو په تړاو د نجونو هیلې بیا هم مړاوې پاتې شوې او اجازه ورنه کړل شوه چې ښوونځیو ته ولاړې شي.
هغه نجونې چې له شپږم ټولګي څخه اووم ټولګي ته بریالۍ شوې، خپل راتلونکي ته اندېښمنې دي او وایي، اوس هم وخت شته چې اړوندې ادارې د ښوونځیو پر پرانیستلو غور وکړي.
ثنا، چې اووم ټولګي ته تللې، داسې وايي :
«زه په شپږم ټولګي کې وم او ما ډېرې هڅې کړې دي. که د نورو نجونو غوندې ماته اجازه رانه کړل شي، کوم درسونه مې چې په ښوونځي کې یاد کړي، له یاده مې وځي او ټولې هڅې مې له منځه ځي.»
د فاطمې او مریم په نومونو زده کونکې هم له خپل تیاره راتلونکي څخه شکایت کوي او وايي چې د ښوونځي دروازې دې ژر تر ژره پرانیستل شي.
« زه خپل راتلونکي ته اندیښنه یم، چې زموږ برخلیک به څنګه کېږي. که ښوونځي خلاص نه شي، نو موږ به له خپلو درسونو څخه لرې پاتې شو او روانې ستونزو سره به هم مخامخ شو.»
«موږ له حکومت څخه د ښوونځيو د خلاصون غوښتنه کوو، ځکه درې کاله وشول چې د ښوونځيو دروازې بندې پاتې دي.»
ښوونکي هم پر دې نظر دي چې که نجونو ته د زده کړو اجازه ورکړله شي او هغوی د علم په ګاڼه سمبال شي، ټولنه د پرمختګ لورته درومي.
دا چې درې کاله کېږي ښوونځي بند دي، نو موږ يې ډير خواشیني کړي یو. ښوونځي دې د نجونو پرمخ خلاص شي، تر څو د هېواد د پرمختګ سبب شي.»
د طالبانو حکومت اړوندو مسوولینو تر دې وړاندې ویلي وو چې د نجونو د زده کړو پیلېدو په تړاو پر طرحې کار روان دی، خو تر اوسه د دې طرحې د بشپړېدو په تړاو جزیات نه دي ورکړل شوي. کلید
URL تعقيب: https://www.ansarpress.com/pashto/30709
د فرشتې کوهستاني او د هغه د ورور مړي خاورو ته وسپار شول