امامعلی رحمان؛ رییس جمهوری تاجیکستان در نشست مجازی کشورهای عضو سازمان پیمان امنیت جمعی پیشنهاد کرده است که یک کمربند امنیتی در اطراف افغانستان ایجاد شود.
رییس جمهوری تاجیکستان در این نشست که دیروز (دوشنبه، ۲۰ جدی) برگزار شد گفته است: «به طور کلی، براساس استخبارات تاجیکستان، بیش از ۴۰ کمپ و مرکز آموزش تروریست‌ها در ولایت‌های شمال شرقی افغانستان وجود دارد که بیش از ۶۰۰۰ شبه نظامی را جای داده است.»
آقای رحمان افزوده که وضعیت در مرز تاجیکستان و افغانستان هر روز پیچیده‌تر میشود: درگیری‌ها درست در امتداد مرز با تاجیکستان اتفاق می‌افتند.
به گفته او، در هفته گذشته، در جایی در نزدیکی مرز دستکم ۱۱ نیروی طالبان کشته و ۱۸ نفر زخمی شدند.
ولادیمیر پوتین؛ رییس جمهوری روسیه اخیرا بارها درباره خطر «سرازیر شدن اسلامگرایان افراطی» به منطقه بعد از تحولات افغانستان هشدار داده است.
نیروهای کشورهای عضو ائتلاف نظامی سازمان پیمان امنیت جمعی به رهبری روسیه پس روی کار آمدن طالبان، چند تمرین نظامی در نزدیک مرزهای جنوبی تاجیکستان با نگاهی به روند تحولات افغانستان برگزار کرده اند.
لینک مطلب: https://www.ansarpress.com/farsi/25993
تگ ها:
مارشال محمد قسیم فهیم به جمع یاران و همسنگرانش شهیدش پیوست
