 |
نور
|
 |
 |
|
پاکستان وایي پولیو هم له افغانستانه دوی ته راغلې
انصار:( د تله ۱۵مه)، پر افغانانو د پاکستان د تورونو د لګولو په دوام، دغه هېواد په پاکستان کې د ګوزڼ یا پولیو مرض ملامتي هم پر افغانانو اچولې ده. د پاکستان د روغتیا وزیر ندیم جان ادعا کړې، چې په دغه هېواد کې د ګوزڼ یا پولیو ویرویس له افغانستان څخه ورته انتقال شوی دی. دا په داسې حال کې ده، چې روانه میاشت په پاکستان کې د پولیو ثبت شوې ۵ واړه پېښې د دغه هېواد د کراچۍ ښار اړوندې دي. کراچۍ ښار له ډیورنډ کرښې او افغانستان سره ډېر واټن لري. پاکستاني چارواکي په وروستیو کې د خپلو امنیتي ګواښونو ملامتي هم پر افغانستان اچوي او ادعا کوي، چې د طالبانو رژیم په خپل قلمرو کې د تحریک طالبان پاکستان او نورو ډلو په مهارولو کې پاتې راغلی او دغه ډلې په باکستان کې د نا امنیو سبب شوي دي. د پښتونخوا ملتپال سیاستوال افراسیاب خټک بیا د پاکستان د دغه سیاست اصلي دلیل په افغانستان کې د یوه مشروع حاکمیت نشتوالی بولي او وایي دغه هېواد له دې تشې په استفادې غواړي افغانان په هره برخه کې ملامت وښيي او په دې ډول خپلو مغرضو موخو ته ورسیږي.
د لوستونکو نظرونه
تاسو لومړی کس یاست چې په پورته مقاله تبصره کوئ. تبصرې د تایید وروسته ښودل کیږي. |
|
د نړۍ د خبرونو پوښښ او د ورځې تحلیل سره، لوستونکو ته خدمت کوي. انصارپریس د هیڅ دولتي ارګان سره تړاو نلري. آزاد، خپلواک او بې طرفه او د موادو چمتو کولو لپاره. |
زموږ په اړه
موږ سره اړیکه ونیسئ
زموږ سره اعلان وکړئ |
