د ژغورنې نړیوالې کمېټې په خپل یوه تازه راپور کې ټینګار کړی، چې د افغانستان روغتیايي سکتور باید وژغورل شي.
یادې کمېټې د افغانستان اقتصادي او سیاسي وضعیت ته کتنه کړې ده او خبرداری ورکوي چې که وضعیت همداسې دوام کوي او د اقتصادي ځوړتیا مخنیوی و نه شي، نو د دې احتمال شته چې د روان میلادي کال تر پایه تر ۹۰ سلنه پورې روغتیايي مرکزونه وتړل شي.
د یادې کمېټې په اعلامیه کې راغلي، د روان کال تر پایه ښایي ۹۷ سلنه وګړي په افغانستان کې له بېوزلۍ سره مخ شي نو له همدې امله نړیوالو ته په کار ده چې ددغه هېواد لاسنیوی وکړي.
د ژغورنې نړیواله ډله وایي، که د افغانستان روغتیايي سیستم ته زیان اوړي نو میلیونونه وګړي له خطر سره مخ کېدلی شي، چې له همدې امله ددغه برخې د ژغورنې او له افغانستان سره د اقتصادي مرستو ستره اړتیا لیدل کېږي.
د ژغورنې نړیوالې ډلې د افغانستان د کنګل شوې شتمنۍ د ازادولو وړاندیز هم کړی دی.
URL تعقيب: https://www.ansarpress.com/pashto/25833
د فرشتې کوهستاني او د هغه د ورور مړي خاورو ته وسپار شول