انصارپرس: ( دسرطان17مه)، د سوریې رسنیو راپور ورکړی، په دمشق کې د فرانسې ولسمشر ایمانویل مکرون غونډې ته نږدې په یوه هوټل کې دوه چاودنې وشوې.

د سوریې دولتي رسنیو ویلي چې چاودنو 18 کسان ټپیان کړي دي،. لومړۍ چاودنه د مکرون د موټرو د کاروان د ولسمشرۍ ماڼۍ ته له تګ لږ وروسته وشوه، په داسې حال کې چې دوهمه چاودنه د امبولانس ته نږدې وشوه.

خپاره شوي انځورونه غټ لوګی او اورونه ښیې. د فرانسې ولسمشرۍ وویل چې مکرون چاودنې نه دي اورېدلي او د سوریې له ولسمشر احمد الشرع او نورو چارواکو سره یې د پلان سره سم خپلې غونډې ته دوام ورکړ.

چاودنو په سوریه کې جدي امنیتي ننګونې په ګوته کړې. مکرون د یو لوی اروپايي هیواد څخه د دولت لومړی مشر دی چې په 2024 کال کې د بشاراسد له نسکورېدو راهیسې سوریې ته سفر کوي.

سوریه په وروستیو کلونو کې د بریدونو لړۍ لیدلې ده. تېره اوونۍ، په دمشق کې په یوه کافه کې چاودنه وشوه، چې نهه کسان یې ووژل. د اسلامي دولت ډلې د ځینو بریدونو مسوولیت په غاړه اخیستی دی.

د مکرون د سفر موخه د احمد الشرع په مشرۍ د سوریې د سیاسي لیږد ملاتړ کول دي، څوک چې هڅه کوي له لوېدیځ او عربي هېوادونو سره اړیکې پیاوړې کړي. له دې سره، د نن ورځې چاودنو وښودله چې په سوریه کې امنیتي ثبات لاهم نازک دی.