د امریکا ولسمشر، ډونالډ ټرمپ یو وار بیا ټینګار کړی چې ایران به هېڅکله اټومي وسلو ته لاسرسي پیدا نه کړي او له دغه هېواد سره د امریکا مذاکرات ښه روان دي.

ټرمپ ادعا کوی چې امریکا به خپلو موخو ته رسېږي او ایران به نه پرېږدي چې اټومي وسلو ته لاسرسی پيدا کړي.

ټرمپ دا څرګندونې وروسته له هغې کړې چې څو ورځې وړاندې د ایران مذهبي مشر، ایت الله علي خامنه‌يي د جنازې مراسم هم وشول او د ګڼو هېوادونو استازي ورغلي وو.

دغو مراسمو ته له افغانستان څخه د طالبانو حکومت بهرنیو چارو وزیر، امیرخان متقي او د ریاست‌الوزراء اقتصادي مرستیال، عبدالغني برادر هم ورغلي وو.

د امریکا ولسمشر، ډونالډ ټرمپ د دغو مراسمو پرمهال ویلي وو چې ایران ته یې د خامنه‌يي د جنازې لپاره یوه اوونۍ وخت ورکړی دی.

ټرمپ ادعا کړې وه چې که امریکا وغواړي د دغو مراسمو پرمهال د ایران لوی لوی چارواکي ختمولی شي، خو په وینا یې چې امریکا دا کار نه کوي.

بلخوا یو شمېر کارپوهانو لا هم د ایران او امریکا ترمنځ وضعیت ترینګلی ښودلی او هره شېبه یې د دواړو هېوادونو ترمنځ د جګړې امکان په ډاګه کړی دی.