انصارپرس: ( د ثور6مه)، امریکايي رسنیو راپور ورکړی چې یوه وسله وال کس په سپینه ماڼۍ کې د امریکا د ولسمشر ډونالډ ټرمپ او خبریالانو په ماښامنۍ ډوډۍ ډزې کړې دي .

ډونالډ ټرمپ د یکشنبې په ورځ، د اپریل 26مه، تایید کړه چې په ډزو کې یو امنیتي ساتونکی ټپي شوی دی.

د ډزو یوه ویډیو خپره شوې ده، چې امنیتي ځواکونه یې ټرمپ له ډوډۍ څخه بدرګه کوي.

د قانون پلي کوونکو دوو چارواکو اسوشیټیډ پریس ته وویل چې د ډزو شکمن کس د کول توماس الن په نوم پیژندل شوی چې 31 کلن دی او د کالیفورنیا د تورانس اوسیدونکی دی.

د اسوشیټیډ پریس په وینا ، وسله وال هم ټپي شوی او نیول شوی دی .

ټرمپ په ډزو کې ټپي شوی نه دی.

د ډزو انګېزه لا تر اوسه روښانه نه ده، خو ټرمپ له ایران سره د هر ډول تړاو رد کړی دی.