انصارپرس: ( د حمل12مه)، د ناروې د کډوالو شورا د هغوو افغان کډوالو لپاره د فورې مرستې غوښتنه کړې چې په ایران کې د جګړې د پیل راهیسې بیرته افغانستان ته ستانه شوي دي.

په سیمه کې د دې شورا مشر محمد شفیق پویل وايي،په ایران د جګړې د پیل راهیسې 28زره افغان کډوال بیرته افغانستان ته راستانه شوي دي.

هغه پر خپلې ایکس پاڼې تیره  ورځ لیکي، ډیر شمیر دغو افغان کډوالو خپله ټوله شتمني ایران کې پریښې او په خالي لاس راستانه شوي دي.

د هغه په ټکو،دغه کډوال سرپناه، پاکو اوبو او د ژوند نورو اساسي خدمتونو ته اړتیا لري.

په ایران کې د جګړې په پیل سره په دې هېواد کې میشتو افغان کډوالو ازادي راډیو سره خبرو کې د خپل بې برخلیک توب په اړه انديښنې شریکې کړي دي.