انصارپرس: اروپايي ټولنه وايي، 270 ټنه خوارکي توکې يې کابل ته انتقال کړي دي.

د دغې ټولنې د بشري او ملکي مرستو د ساتنې څانګې پر ایکس پاڼه ویلي، دا خوارکي توکي په دریو پروازونو کې انتقال شوي دي.

وړاندې راغلي، په دغو خوارکي توکو کې په خوارځواکۍ د اخته ماشومانو ځانګړي خواړه هم شامل دي چې د یونیسیف له لارې به، په شدیدې خوارځواکۍ اخته ماشومانو ته وویشل شي.

یونیسف تیره ورځ ویلي و، غواړو په ټول افغانستان کې یو میلیون او درې سوه زره په خوارځواکۍ اخته ماشومان تر پوښښ لاندې راولو.

د خواړو نړیوال پروګرام وايي، نژدې څلور میلیونه ماشومان په افغانستان کې په خوارځواکۍ اخته دي.