انصارپرس: د پنجشېر مسوولین وایي، د یاد ولایت له کانونو ایستل‌شوي 3 زره 657 قیراط نور زمرد په کورنیو سوداګرو پلورل شوي دي.

د دغه ولایت د والي ویاند، سیف‌الدین لټون په وینا چې دا زمرد د 58 زره 50 ډالرو په ارزښت پر کانونو د څار کمېټې د غړو په حضور کې پلورل شوي دي.

پنجشېر کې تر دې مخکې هم د یاد هېواد له کانونو ایستل‌شوي زرګونه قیراط زمرد په سوداګرو پلورل شوي وو.

مسوولینو تر دې مخکې دا ډول اقدامات د طبیعي سرچینو د قانوني مدیریت او د کورنۍ سوداګرۍ د ملاتړ لپاره د ولایت د پروګرامونو یوه برخه بللې وه.

پنجشېر یو له هغو ولایتونو څخه دی چې د قیمتي ډبرو، په ځانګړې توګه د زمردو له پلوه بډایه دي. د دې ولایت کانونو په وروستیو کلونو کې تل د کورنیو او بهرنیو سوداګرو پام ځانته اړولی دی.

د یادولو ده چې د طالبانو له بیاځلي واکمنېدو وروسته د هېواد په کانونو کې د پانګونې لپاره د بهرنیو پانګوالو پاملرنه زیاته شوې ده.