انصارپرس: ( د لیندۍ 24مه)،  پنجشېر ولایت کې د طالبانو د حکومت سیمه‌ییزو مسوولان وایي، د یاد ولایت پریان او دره ولسوالیو کې د 110میلیونه افغاني په لګښت 62پراختیایي پروژې بشپړې او ګټنې ته وسپارل شوې.

د مسوولا په وینا، په دغو پروژو کې سړکونه، پلې لارې، استنادي دېوالونه، کرنیز کانالونه او د اوبو ذخیرې شاملې دي.

 پنجشېر کې د طالبانو د حکومت والي حافظ محمد اغا حکیم د یادو پروژو د پرانیستي مراسمو کې راتلونکي کال د سترو پروژو له پیله خبر ورکړی.

هغه ویلي دي چې، دغو پروژو کې د 10میګاواټه برېښنا تولید بند ، ولایتي روغتون او پنجشېر پوهنتونو تاسیسات جوړول شامل دي.

یادي پروژې د نړیوال بانک له لوري پلي شوې دي.