انصارپرس: (د لیندی6مه)، امریکایي رسنیو خبر ورکړی چې سپینې ماڼۍ ته نږدې د ملي ګارډ دوه ځواکونه په ډزو وژل شوي دي.

ببلخوا د امریکا ولسمشر، ډونالډ ټرمپ ویلي چې دا برید د هغه افغان له لوري شوی چې په 2021 کال امریکا ته لېږدول شوی و.

د راپورونو له مخې چې بریدګر په ټپي حالت کې نیول شوی او نوم یې «رحمن الله لکڼوال» ښودل شوی دی.

په ورته مهال د «افغان ایواک» په نوم د کډوالو د ملاتړ یوې ادارې سپینې ماڼۍ ته نږدې د یو افغان له لوري د ملي‌ ګارډ پر ځواکونو برید «شخصي» بللی او ټینګار یې کړی باید دا پېښې پر افغان ټولنې پورې ونه تړل شي.

بلخوا د افغان سولې لپاره د امریکا پخواني ځانګړي استازي، زلمي خلیلزاد دا برید په کلکه غندلی او «ظالمانه» یې بللی دی.

د امریکا ولسمشر بیا ټینګار کړی چې ټول هغه افغانان دې له سره و ارزول شي چې د جو بایډن ولسمشرۍ پر مهال امریکا ته لېږدول شوي دي.

له تېرو څو کلونو راهیسې په امریکا کې د وسله‌والو بریدونو دا ډول پېښې زیاتې شوې دي.