انصارپرس: (د لړم 11مه)، د افغانستان کرکټ ملي لوبډله نن (یکشنبه) د زمبابوې پر وړاندې د شل اوریزې لوبلړۍ درېیمه او وروستۍ لوبه کوي.

دغه لوبه نن مازیګر د افغانستان پر وخت 4 نیمې بجې پیلېږي.

تر دې وړاندې افغانستان له زمبابوې دوه لومړنۍ لوبې ګټلي او د لوبلړۍ اتلولي یې په خپل نوم کړې ده.

په لومړۍ لوبه کې عظمت الله عمرزی او دوهمه لوبه کې بیا راشدخان د غوره لوبې له امله د غوره لوبغاړو جایزې اخیستې دي.