انصار: (د زمري ۲۹مه)، د کورنیو چارو وزارت ویاند ویلي، چې د هرات- کابل پر لویه لار په دې غوني ځیږوونکې ټرافیکي پېښه کې د ۱۹ ماشومانو په ګډون ۷۹ کسانو خپل ژوند له لاسه ورکړی او یو کس ټپي دی.

د کورنیو چارو وزارت ویاند عبدالمتین قانع زیاته کړې؛ دا پیښه د سې‌شنبې پر شپه(د زمري اته‌ویشتمه) شاوخوا ۸:۳۶ د هرات ولایت په اړوند سیمه کې رامنځته شوې ده.

د ګذرې پولیس ځواکونو د اور وژنې له ډلې او هرات امبولانس سره یوځای د پېښې ځای ته پخپل وخت رسېدلي او د قربانیانو جسدونه یې ولېږدول.

چارواکو ټینګار کړی، چې د پېښې د اصلي لامل د روښانه کولو لپاره اوس هم پلټنې روانې دي.