انصا: (د زمري ۶مه)، د طالبانو د کار او ټولنیزو چارو وزارت خبر ورکړی، چې قطر ته د افغان کارګرو د استولو لپاره د نوملیکنې پروسه پیل شوه.

یاد وزارت د نوملیکنې برخې هم په ډاګه کړې دي.

د برېښنا انجنیر ، د برېښنايي موټرو مستري ، شیدو لوشونکی ، د رسمي مېلمستیاوو سرآشپز ، سرآشپز دوه بسته ، د آشپز لومړی مرستیال ، آشپز دو‌یم مرستیال، د هوټل د تفریح لارښوونکی د خوړو او نوشابو بس چلوونکی د هوټل تفریحي لارښوونکی؛ دویم بست Instructor، د پاک کارۍ د مېز همغږي‌کوونکی ، دوه بسته، د ریزرف کولو استازی او د خونو د پاکولو خدمتګار هغه برخې دي چې افغان کارګر به ورته لېږدول کېږي.

د طالبانو یاد وزارت دا هغه برخې یادې کړي چې، د دوی په خبره افغانان کولی شي نوملیکنه ورته وکړي او د کار روزګار لپاره یاد هېواد ته واستول شي.

د طالبانو د کار او ټولنیزو چارو وزارت ویلي، چې نوملیکنه به د هېواد په بېلابېلو زونونو او ولایتونو کې د راتلونکې سه شنبې د اسد له ۷ مې نېټې د ځانګړو ادرسونو له لارې ترسره کېږي.

سرچینه زیاتوي، چې یاد وزارت ټولنیزو رسنیو کې پر خپلو رسمي ادرسونو د یادو شرکتونو نومونه او ادرسونه په بشپړ ډول نشر کړي، چې هېوادوال هلته نوملیکنه کولی شي.

دا کارګر داسې مهال استول کېږي، چې افغانستان کې د بېکارۍ کچه ورځ نه بلې ته په لوړېدو او د بېوزلۍ کچه په پراخېدو ده.