انصار: (د غبرګولي ۶ مه)، د هلمند ولایت د مرکز لښکرګاه ښار د صفیان سیمې یوې اوسېدونکې مېرمنې ده، د بُست په ولایتي روغتون کې پنځه ماشومان زېږولي دي.

د هلمند د عامې روغتیا ریاست د خپرونو مسوول میرولي راحل په وینا، نوي زېږېدلي ماشومان درې هلکان او دوې نجونې دي.

دا ماشومان د یکشنبې په ورځ دنیا ته راغلل، او راپورونه وايي چې د مور او څلورو ماشومانو روغتیايي وضعیت ښه دی، خو یو ماشوم په نازک حالت کې دی او تر شدیدې پاملرنې لاندې ساتل کېږي.