انصار: ( د غويي۲۹مه)، په اقتصادي ستونزو کې د طالبانو راګير رژيم د تنقيصاتو پروسې د تطبيق له وجې ايله تازه وتوانېده د ۱۴۰۴ کال بودجه تصویب کړي، خو هغه هم د لسو مياشتو.

يو شمېر دولتي مامورينو زاويه نيوز ته ويلی، د ثور مياشت په پای ته رسېدو ده، خو دوی ته تر اوسه هم د دغې او حمل مياشتې معاشونه ندي ورکړل شوي: «بستونه تنقيص شول، معاشونه کم شول او دا دی ورپسې د ځنډ خبرونه هم دي.»

په ورته مهال، د متقاعدينو ستونزه لا هم نده حل شوې او يو شمېر معلولين وايي، له تېرو شپږو  مياشتو راهيسې ورته خپل حقوق ندي ورکړل شوي: «موږ هم کورنۍ او اولادونه لرو. له ګڼو اقتصادي ستونزو سره مخ يوو. زموږ حقوق مه ځنډوئ!»