انصار: (دغويي۲۴مه)، راپونه وایی چی د پوهنتونونو لسګونه استادانو او اداري کارکوونکو بستونه تنقيص شوي دي.

له کابل پوهنتون څخه ۲۹۴ بستونه تنقيص شوي دي، چې ۱۶۷ يې استادان او پاتې يې اداري کارکوونکي دي.

د معلوماتو مطابق، د کابل پوهنتون په تنقيص شويو بستونو کې ډېری يې د ښځينه استادانو او کارکوونکو دي: «تنقيص شويو کې برحاله استادان هم شته.»

همدارنګه په ننګرهار پوهنتون، کونړ پوهنتون، لغمان پوهنتون او ګڼو نورو پوهنتونونو سربېره تازه د خوست پوهنتون ۱۶۰ استادانو او کارکوونکو بستونه هم تنقيص شول. د ملا هبت الله د فرمان له مخې د ټولو ملکي او نظامي ادارو ۲۰‌ سلنه تشکيلات تنقيص شوي دي.