انصار: (د غويي ۹ مه)، د هرمزګان ولایت د ناورین مدیریت عمومي رییس مهرداد حسن زاده د دوشنبې پر ماښام اعلان وکړ، چې په بندر عباس کې د چاودنې له کبله د مړو شمېر ۷۰ ته رسیدلی دی.

حسن زاده ویلي، چې د پېښې له ټپیانو څخه ۱۰۷۲ کسان له طبي پاملرنې وروسته رخصت شوي او ۱۳۸ نور په روغتون کې بستر دي.

د هرمزګان والي محمد آشوري هم د ایران له نشراتي شرکت سره په مرکه کې تائید کړې، چې ۷۰ کسان وژل شوي او ۲۲ نور اوس هم ورک دي.

آشوري زیاتوي، چې د ۲۲ کسانو جسدونه هم ناپېژندل شوي دي.