google.com, pub-6867310892380113, DIRECT, f08c47fec0942fa0 ** ** **
|
د تصویر پر خپرولو د بندیز له کبله 2 تلویزیونونو خپرونې ودرولې
انصار: (د تله ۲۴ مه)، د افغانستان د خبریالانو مرکز وايي، د تصویر او ویډیو پر خپرولو د طالبانود امربالمعروف او نهي عن المنکر وزارت له بندیزه وروسته په تخار ولایت کې دوو تلویزیوني چاینلونو خپرونې ودرولې. د یوې سیمه ییزې سرچینې په وینا، د تخار ملي تلویزیون سیمه ییزې څانګې پرون وروسته له هغه خپل کار پای ته ورساوه او تړل شوې، چې د دې ولایت د امر بالمعروف او نهی عن المنکر رئیس د دغه حکم اعلان وکړ. دا نوي محدودیتونه د طالبانو تر واکمنۍ لاندې په رسنیو او شخصي ازادیو باندې د پراخو بندیزونو یوه برخه ده. ورته بندیزونه په نورو ولایتونو لکه کندهار او میدان وردګ کې هم پلي شوي دي. د راپورونو له مخې، دوه شخصي چاینلونه، ماه نور او ریحان، د خلکو د تصویر خپرول درولي دي. د خبریالانو مدافع ټولنې په تصویري رسنیو کې د عکس او فلم پر خپرېدو پر بندیز اندېښنه ښکاره کړې ده. د طالبانو تر کنټرول لاندې د افغانستان ملي راډیو تلویزیون (RTA) او یو شمېر شخصي تلویزیوني چاینلونو ته امر شوی چې دې بندیز ته غاړه کېږدي. د فرانس پریس خبري اژانس د راپور له مخې، د طالبانو د امربالمعروف وزارت پرون (دوشنبې) هغه قانون نافذ کړ چې پر اساس یې رسنۍ د ټولو ژوندي سارو د تصویر له خپرولو منع کېږي. له موضوع خبرو ژورنالیستانو ویلي چې د امریالمعروف وزارت غواړي چې خپل دا قانون په تدریج عملي کړي.
د لوستونکو نظرونه
تاسو لومړی کس یاست چې په پورته مقاله تبصره کوئ. تبصرې د تایید وروسته ښودل کیږي. |
د نړۍ د خبرونو پوښښ او د ورځې تحلیل سره، لوستونکو ته خدمت کوي. انصارپریس د هیڅ دولتي ارګان سره تړاو نلري. آزاد، خپلواک او بې طرفه او د موادو چمتو کولو لپاره. |
زموږ په اړه
موږ سره اړیکه ونیسئ
زموږ سره اعلان وکړئ |





