د انصار: ( د تله۶مه)، د طالبانو حکومت مرستیال ویاند، حمدالله فطرت په افغانستان کې د بشري حقونو پر سرغړونو د نړیوالو پراخو نیوکو ته په غبرګون کې ویلي چې په افغانستان کې له هېچا سره تبعیض نه کیږي.
ښاغلي فطرت په یوه غږیز پیغام کې ویلي، چې پر طالبانو حکومت د بشري حقونو په سرغړونې تورنول بې اساسه ادعا ده.
د هغه په وینا، په افغانستان کې بشري حقونه خوندي دي او له هيچا سره تبعيض نه کېږي.
دا په داسې حال کې ده چې د ملګرو ملتونو د چارواکو په ګډون یو شمېر هېوادونو د دغه سازمان په ۷۹مه عمومي غونډه کې په افغانستان کې له بشري حقونو د پراخې سرغړونې په اړه نیوکې کړي دي.
د دغه سازمان سرمنشي ویلي چې د «طالبانو» سیاستونو او قوانینو ښځې او نجونې محدودې کړې او نړیواله ټولنه باید «طالبان» د خپل سیاست تغییرولو ته مجبور کړي.
خو په افغانستان کې د طالبانو حکومت ویاند د دغو نیوکو په غبرګون کې ویلي چې په افغانستان کې هېڅ تبعیض نشته.
