google.com, pub-6867310892380113, DIRECT, f08c47fec0942fa0 ** ** **
|
د تاریخي اثارو د بیارغولو لپاره د چین چمتووالی
انصار: ( د زمري ۴مه)، د طالبانو حکومت د اطلاعاتو او کلتور وزارت وايي چې د چين د اطلاعاتو او کلتور وزارت مرستیال ددغه وزارت له مرستيال سره په کتنه کې د افغانستان د تاريخي اثارو د ساتنې، بيارغونې او پياوړتيا په برخه کې د خپل هېواد د بشپړې همکارۍ ډاډ ورکړى دى. د اطلاعاتو او کلتور وزارت مطبوعاتي دفتر د یوې خبرپاڼې په خپرولو سره ویلي چې د دغه وزارت د هنر او کلتور معین مولوي عتیق الله عزیزي د چین اطلاعاتو او کلتور وزارت له مرستیال لی کین سره وکتل. د دغه وزارت د معلوماتو له مخې، په دې کتنه کې دواړو لورو د دواړو هېوادونو د اقتصادي او فرهنګي اړیکو ترڅنګ د هېواد د تاریخي بندونو، ملي موزیم او د عینک د مسو کان د تاریخي ابداتو د پیاوړتیا په اړه هم خبرې وکړې. د چين د اطلاعاتو او کولتور وزارت مرستيال د افغانستان د تاريخي ابداتو د ساتنې، بيارغونې او پياوړتيا په برخه کې د بشپړې همکارۍ ډاډ ورکړ. د يادونې وړ ده، چې د هېواد زياتره تاريخي آبدات د تېرو څو لسيزو جګړو او د طبيعي پېښو د رامنځته کېدو له امله سخت زيانمن شوي دي.
د لوستونکو نظرونه
تاسو لومړی کس یاست چې په پورته مقاله تبصره کوئ. تبصرې د تایید وروسته ښودل کیږي. |
د نړۍ د خبرونو پوښښ او د ورځې تحلیل سره، لوستونکو ته خدمت کوي. انصارپریس د هیڅ دولتي ارګان سره تړاو نلري. آزاد، خپلواک او بې طرفه او د موادو چمتو کولو لپاره. |
زموږ په اړه
موږ سره اړیکه ونیسئ
زموږ سره اعلان وکړئ |





