انصار: (د زمری ۳ مه)، د طالبانو د لوړو زده کړو وزیر شېخ ندا محمد ندیم ویلي، چې د پوهنتونونو لپاره نوی تحصیلي نصاب جوړ کړل شوی.

هغه یوې غونډې ته د وینا پر مهال ویلي، چې په نوي نصاب کې ورځینیو اړتیاوو ته ډېر ځای ورکړل شوی او پخوانی نصاب تر ډېره بدل شوی.

سرچینې په دې اړه زیات جزئیات نه دي ورکړي، خو ادعا یې کړې چې په نوي نصاب کې د کار مارکېټ اړتیاوو ته پاملرنه شوې ده.

شېخ ندیم، چې د طالبانو د لوی مشر ملا هبت الله له تر ټولو نږدې کسانو او تر ټولو افراطي طالب چارواکو څخه ګڼل کیږي، ډېرو کړنو ته یې د افراطي هغو نوم ورکړل شوی.

ګومان کیږي، چې هغه د تحصیلي نصاب د بدلون په نوم له پوهنتونونو څخه د مدني حقونو او پرمختګ اړوند مضامین ممکن لیرې کړي یا کم کړي وي.