انصار: ( دغبرچنګاښ۱۲مه)، د فراه، غزني، وردګو او پروان مسوولین وایي چې له تېرو ۲۴ ساعتونو راهیسې په یادو ولایتونو کې د ترافیکي پېښې له امله ۳۸ کسانو ته مرګ ژوبله اوښتې ده.

د وردګو مسوولینو ویلي چې د جلریز ولسوالۍ په خیرولنګ سیمه کې د سراچې او فلانکوچ ډوله موټر د ټکر له امله یو کس مړ او ۱۷ نور ټپیان شوي دي.

بلخوا د غزني د لومړۍ امنیتي حوزې اړوند د روضې کوتل تر څېرمه د دوو موټرو د ټکر له امله یوه ښځه مړه او ۱۱ کسان ټپيان شوي.

په ورته وخت کې د فراه مسوولینو هم د یاد ولایت د مرکز اړوند په «دهک» کلي کې د ۵۸۰ مسافر وړونکي او لوکسل موټرو د ټکر په پایله کې یوه ښځه مړه او څلور نور ټپیان شوي دي.

هاخوا د پروان د سالنګ ولسوالۍ په باغ لالا سیمه کې د دوو موټرو د ټکر له امله درې کسان ټپیان شوي او د درملنې په موخه روغتون ته وړل شوي دي. د ویلو ده چې دا ترافیکي پېښې په تېرو ۲۴ ساعتونو کې شوې دي. 

په وروستیو دریو کلونو کې د هېواد په تقریباً ټولو ولایتونو کې ترافیکي پېښې په کمسارې توګه زیاتې شوې چې ستر لاملونه یې د چلوونکو بې احتیاطي، خراب سړکونه، ګړندی تګ او د ترافیکي اصولو نه مراعاتول بلل کېږي.