انصار: ( د چنګاښ ۷مه)، د خوړو نړیوال سازمان وايي، په افغانستان کې له اړو کسانو سره د مرستې لپاره لږه بودجه لري او یوازې له یو میلیون کسانو سره مرسته کولای شي.
دغه سازمان د یوې اعلامیې په خپرولو سره ویلي چې په داسې حال کې چې په افغانستان کې ۱۲ میلیونه وګړي مرستو ته اړتیا لري؛ خو دغه سازمان یوازې د روان کال تر اکتوبر میاشتې پورې له شاوخوا یو میلیون کسانو سره مرسته کولای شي.
د اعلامیې پر بنسټ د خوړو نړیوال سازمان ویلي چې په افغانستان کې د اړمنو خلکو د پاملرنې لپاره عاجلو مرستو ته اړتیا لري.
په همدې حال کې د ملګرو ملتونو د بشري مرستو د همغږۍ دفتر وايي، سږ کال به په افغانستان کې شاوخوا ۲۴ میلیونه کسان بشري مرستو ته اړتیا ولري.
د دغه سازمان د معلوماتو له مخې، له دې جملې څخه ۱۷ میلیونه کسانو ته د مرستو لومړیتوب ورکول کېږي، چې ۳.۰۶ میلیارده ډالرو مرستو ته اړتیا لري.
