انصار: (د سلواغه ۱۲مه)، د پانګونې لپاره د طالبانو د رژیم بین الوزارتي کمېټې د هېواد په ۱۲ بندرونو کې د الکټرونیکي سکنرونو د نصب طرحه تایید کړه.

د طالبانو تر واک لاندې ملي ټلویزیون دا خبر خپور کړی، خو په اړه یې نور جزییات نه دي ورکړي.

د افغانستان تجارتي بندرونه مخکې تر ډېره د فساد سرچینې ګڼل کېدې او د سیمه ییزو جنګسالارانو او چارواکو د حیف و میل دعوې پکې وې.

د طالبانو له داسې هڅو یو شمېر خلک هرکلی کوي او وایي، چې داسې کړنې د اصلاحاتو او سیستم جوړولو لپاره ګټورې دي.

له دې سره، ځینې نور خلک باور لري چې دا هڅې د مسلکي کسانو له موجودیت پرته مطلوبې پایلې نه شي لرلی.