انصار:( د لیندی لمړی)، د هوا پېژندنې نړیوالو ادارو په افغانستان او شاوخوا هیوادونو کې د واورو او بارانونو د اورېدو اټکل کړی دی.

د افغانستان د هواپېژندنې ادارې په یو شمېر ولایتونو کې د واورې د اورېدو او باران وړاندوینه وکړه او خبرداری یې ورکړ چې ممکن د ورښتونو له کبله په ځینو سیمو کې سیلونه جاري شی.

د افغانستان د هوا پېژندنې ادارې خبرداری د ترانسپورت او هوايي چلند وزارت پر خپله ایکس پاڼه خپره کړه. د دې خبرپاڼې پر اساس، د نن چهارشنبې په ورځ او همداراز سبا (پنجشنبې) به د تخار، کندز، بامیان، هرات، غور، بدخشان، او پنجشیر په شمول د هېواد د اتلسو ولایتونو په لوړو سیمو او همداراز سالنګونو کې واورې واوري.

د دې ادارې له اټکل سره سم د ورښتونو اندازه به له لسو تر ۳۵ میلي مترو پورې وي د سیلونو د راوتلو احتمال هم شته.

تر دې مخکې هم د پغمان د غرونو په شمول د هیواد په یو شمېر لوړو سیمو کې واورې ورېدلي دي.

یو شمېر خلک اندېښنه لري چې که د سالنګ لوبه لار ژر بشپړه نه شي او د واورو ورېدا دوام وکړي ممکن د شمال او جنوب ترمنځ تګ راتګ ودرول شي.

حاضردمه ډېری موټرچلوونکي د بامیان ولایت د شیبر په لاره تګ راتګ کوي چې په ژمي او د واورې د اورېدو په صورت کې ورباندې تګ راتګ نه کېږي. د ایران او منځنۍ اسیا په یو شمېر سیمو کې هم د نن او سبا لپاره د ورښتونو اټکل شو ی دی.