د ولسمشر لومړی مرستیال امرالله صالح وايي، امنیتي میثاق کې شاملو ټولو ولایتونو ته یې لارښونه کړې، چې په یوه موتر سایکل د دوه تنو د سپرېدو مخنیوی وکړي.

د ولسمشر لومړی مرستیال امرالله صالح وايي، امنیتي میثاق کې شاملو ټولو ولایتونو ته یې لارښونه کړې، چې په یوه موتر سایکل د دوه تنو د سپرېدو مخنیوی وکړي.

د خبر له مخې وړاندې له مخې ښاغلي صالح تر دې وړاندې یوازې پلازمېنه کابل کې په دوه پشته موټر سایکلو بندیز لګولی و.

خو نن چهارشنبې د مرغومي ۱۰ مه یې د شپږنیمو له امنیتي غونډو ویلي، چې نور باید په امنیتي میثاق کې شامل ټولو ولایتونو کې هم په دوه پشته موټر سایکل بندیز ولګول شي.

نوموړي زیاته کړې، چې په تېرو ۲۴ ساعتونو کې په کابل کې سلګونه دوه پشته موټر سایکلونه د پولیسو له خوا درول شوي او فلج کړی شوي دي.

هغه یو ځل بیا ویلي«لطفآ له موټرسایکل نه دوپشته کار مه اخلۍ، موږ ډېرې داسې ویډیوګانو لرو، چې په ډېرو هدفي وژنو او انفرادي ترورونو کې ددوپشته موټر سایکل سپرو لاس وو.»

دی وايي، که په کابل کې له دې وروسته دوه پشته موټر سایکل ونیول شي، نو موبالایلو ته یې بوره وراچول کېږي چې له څو دقیقو وروسته به فلج شي او یا به یې هم به سلنسر کې چرې اچول کېږي.

نوموړي زیاته کړې، چې وړاندې به د دغه ډول موټر سایکلونو یوازې ټایرونه اره کېدل خو معلومه شوه، چې ټایزونه ارزانه دي او ژر تر لاسه کېږي نو ځکه پر دې پرېکړه شوې، چې نور به یې ماشین ته بوره او سلنسر ته چرې وراچول کېږي، چې مکمل فلج شي.

بل خوا صالح ویلي، چې د بې ثبت سیم کارتونو ستونزه تر ډېره بریده حل شوې خو بیا هم په دې برخه کې پلټنې دوام لري، ځکه ځینې شکایتونه اوس هم د ناراجستر او ناثبته سیم کارتونو شته دي.

دی وايي، که څوک ونیول شول نو له ترهګرو سره په جرم کې شریک ګڼل کېږي او نېغ په نېغه به د قانون منګولو ته وسپارل شي.

په ورته وخت کې صالح زیاته کړې، سبا به د هغه کس ویډیو له خلکو سره شریکه کړي، چې د کابل ښاریانو په موترو پسې یې چسپکي ماینونه نښلول.

د ولسمشر د لومړي مرستیال په وینا په دغه ویډیو کې به وښودل شي، چې دغه کس په څه ډول او کوم مهارت چسپکي ماینونه نښلول.

نوموړي ویلي، د دې ویډیو له خپرولو یې موخه دا ده، چې د ترهګرو او د هغوی د کړنو په اړه عامه پوهاوی زیات او د طالبانو د دغه انسان وژنې کارونو او ترور مخه ونیسي.

د ولسمشر لومړی مرستیال دا څرګندونې پر داسې مهال کوي، چې په دې وروستیو کې په کابل کې د چسپکي ماین چاودنې او هدفي وژنې زیاتې شوې، او د کابل ښاریانو کابو هر سهار په چاودنې پيلېږي.