مسوولان اداره اطلاعات و فرهنگ حکومت طالبان در ولایت کاپیسا اعلام کرده‌اند که دو ساحه باستانی تازه با نام‌های «کلکان» و «غراغَین» در ولسوالی نجراب این ولایت شناسایی شده است.

به گزارش انصارپرس، به گفته آنان، این ساحات به شکل تپه‌های خاکی با بقایای دیوارهای قدیمی دیده می‌شود و بررسی‌های ابتدایی نشان می‌دهد که قدمت آن‌ها به دوره بودایی‌ها برمی‌گردد.

مقام‌ها گفته‌اند تاکنون بیش از 110 ساحه تاریخی و باستانی در کاپیسا در فهرست رسمی این اداره ثبت شده و کشف‌های تازه می‌تواند اهمیت باستان‌شناختی این ولایت را بیشتر برجسته کند.